Tabitha WheldonHUGHESHoffai Gwenno, Arwyn a theulu'r diweddar Tabi, Treflys, Ffordd Llwyndu, Penygroes ddiolch o galon am bob arwydd o gydymdeimlad a charedigrwydd a ddangoswyd tuag atynt yn dilyn eu profedigaeth. Trwy garedigrwydd teulu a ffrindiau hael llwyddwyd i godi £3,000 i'w rannu rhwng Urdd Gobaith Cymru a Young Lives vs Cancer. Carem anfon ein gwerthfawrogiad diffuant i staff wardiau Cybi ac Enlli Ysbyty Gwynedd am eu gofal arbennig ohoni. Diolch arbennig i Dylan Griffith a'i dim o Ymgymerwyr Gwilym Jones a'i fab am gefnogaeth driw mewn cyfnod anodd ac am eu trefniadau hynod urddasol a diffuant. Diolch hefyd i'r Parchedig Iwan Llywelyn Jones am ei wasanaeth a'i gefnogaeth annwyl ac i Enid a Gwen, Bwyty Clwb Golff Caernarfon am y lluniaeth bendigedig. Mae ein diolch yn fawr i'r Prifardd Carwyn Eckley am ei englyn arbennig i gofio am Tabi: Heddiw, rhown deyrnged iddi- un o saith A llond siop oedd Tabi. Ond bydd, er dod ei dydd hi Yno o hyd fel mam i ni.
Keep me informed of updates
Add a tribute for Tabitha
